2.08.2010

प्रेम म्हणजे नक्की काय? (कविता)

आज पुन्हा डोक्यात
प्रश्नांची सरबत्त्ती चालु हाय
मनच स्वताला विचारायला लागलय
प्रेम म्हणजे नक्की काय?

अनेक तर्क वितर्क
अनेकांच्या प्रतिक्रिया
रोज बदलतात नवे रंग
पण प्रश्नच सुटत नाय......

प्रेम देत आयुष्याला
सावरण्याचं बळ
मग का कधिकधी मांडते
मतलबी नात्यांचा खेळ

घट्ट जखडलेल्या नात्यांचाही
बसत नाही मेळ
क्षणार्धात तुटतात नाती
पन जोडायला जातो खुप वेळ

प्रेम हव असेल तर
त्यात पडाव का लागत
आणि नाही मिळाल तर
अश्रुंबरोबर का जागत?

प्रेम म्हणजे भक्ती
कधी कधी होते सक्ती
कधी होते जबाबदारी
तर खर्च होते कधी शक्ती

पुन्हा पुन्हा राहुन वाटतय
प्रेम म्हणजे नक्की काय?
मनाचा झालेला गोंधळ माझ्या
अजुनही कसलाच सुटत नाय
__________
लक्ष्मण शिर्के

No comments:

Post a Comment